إعـــــــلان

Collapse
No announcement yet.

سؤال واجابة

Collapse
X
  • Filter
  • الوقت
  • Show
Clear All
new posts

  • #16
    رد: سؤال واجابة

    المشاركة الأصلية كتبت بواسطة اقبال حجار مشاهدة المشاركة
    مشكور ابننا ياسر على المشاركة وحل السؤال(كفيت ووفيت ). واكيد في حافز ليك لأنك أول مشارك ...لكن المشاركة لم تنتهي لأن من يجيب على السؤال يضع هو سؤالا قصيرا جديدا للمشترك التالي...
    يا خالتو إقبال .. أخوي ياسر عمار محجوب لم يتمكن من الدخول بإسمه ويبدو أن لديه مشكلة فنية ولحين حلها بالتنسيق مع إدارة المنتدى فقد كلفني بالسؤال عن مصير الحافز الموعود به باعتباره أول مشارك خاصة وأنه إستكمل شرط وضع سؤال بعد إجابته على السؤال المطروح.



    وأود الإفادة بما يلي:
    • إذا كان الحافز مادي فيمكنني تزويدكم برقم حساب بابا بالبنك لتحويل المبلغ
    • وإذا كان الحافز عيني فيمكنني إستلامه نيابه عنه عند حضوري مساء كل أربعاء بالنادي.
    • أما إذا كان الحافز معنوى فيمكن أن أنقله له بعد أن أرى كلمات الدعم المعنوي التي ستقال له
    علماً بأنني أميل إلى تبني فكرة الحافز العيني لما تمثله الهدية العينية من ذكرى يمكن أن تظل أمام ناطرينا عبر الزمن خاصة إذا كانت مصنوعة من معدن لا يصدا ولا يتآكل بعوامل الزمن مثل الذهب والفضة والبلاتين أو ما شابه ذلك .. كما أن الحافز العيني يمكن أن يتضمن في نفس الوقت الإشارة فيه إلى كلمات الحافز المعنوي بكتابة كلمات على جسم الهدية المقترحة
    والأمر معروض عليكم برجاء التكرم بدراسته وإنني لأتطلع بمزيد من الثقة والتفاؤل إلى تلقى ردكم الإيجابي في هذا الشأن.

    نسخة مع التحية إلى :
    أخي ياسر عمار محجوب عشان تعرف أختك متابعة لحقوقك

    نسخة مع التحية إلى الوالد :
    عمار محجوب للتكرم بتزويدنا برقم حسابكم البنكي في حالة إستقر الرأي على الحافز المادي

    نسخة مع التحية إلى :
    إدارة المنتدى برجاء عدم حل مشكلة دخول أخي ياسر لحين إستلام الهدية المتوقعة أعلاه.
    Last edited by الشيماء عمار محجوب; 10th February 2010, 01:52 PM.
    يا نهضة شمخت بعزم رجالها

    على صفحة التاريخ ظلت باديا

    Comment


    • #17
      رد: سؤال واجابة

      التحية للابنة شيماء وقد سرنا تسجيلك وتحية وانت تتابعين حقوق اخيك ....وارجو ابلاغه انه موجود في اعلى قائمة من يستحقون الجوائز ولم انس الوعد له وهو اول مشارك بس ننسق مع الادارة ويستلم جائزته باذن الله وفي انتظار مشاركاتك شيماء

      Comment


      • #18
        رد: سؤال واجابة

        آسف على التأخير
        من أول من أدخل الموسيقى في السودان؟
        اوعيديني ***** بكلمة مني
        و احكي لي **** عني و عني

        Comment


        • #19
          رد: سؤال واجابة

          هو فنان كبير
          من أهم أغانيه
          {{ أرض الخير}}
          {{الشوق و الريد}}
          {{المهرجان}}
          {{يا طير}}
          اوعيديني ***** بكلمة مني
          و احكي لي **** عني و عني

          Comment


          • #20
            رد: سؤال واجابة

            نظرا لعدم معرفة الإجابة
            الإجابة هي
            ((إبراهيم الكاشف))
            اوعيديني ***** بكلمة مني
            و احكي لي **** عني و عني

            Comment


            • #21
              رد: سؤال واجابة

              و السؤال؟؟؟
              يا نهضة شمخت بعزم رجالها

              على صفحة التاريخ ظلت باديا

              Comment


              • #22
                رد: سؤال واجابة

                هذه المرة أريد منكم أنتم السؤال
                Last edited by حسام إبراهيم خلف الله; 12th April 2010, 10:55 AM.
                اوعيديني ***** بكلمة مني
                و احكي لي **** عني و عني

                Comment


                • #23
                  رد: سؤال واجابة

                  جاييكم يا جورج قداحي

                  للاسف كتبت كتييييييييييير وراح مع مشكلة النت
                  أبق زول دايما مسامح وأنسي ظلم الناس عليك

                  Comment


                  • #24
                    رد: سؤال واجابة

                    الأخت أقبال ألف ألف تحية على هذه المبادرة الرائعة التي يجب أن تكون محل تقدير جميع الأخوة في النادي السوداني لما لها من دور كبير في ربط أبنائنا بوطنهم العزيز ،ارجو أن يدعم كل الاخوة موضوع الجوائز تحفيزاً لأبنائنا للمشاركة ، وتبرع معنوي مني لكي شخصياً ولأبنائنا المشاركين عبارة عن شيك بمبلغ ألف تحية يصرف من بنك الوحدة السوداني باذن الله ، وتبرع مادي سوف أعلن عنه انشاءالله بعد ما يعلن الأخ محمد عثمان عن قيمة تبرعه ولنا عودة انشاء الله

                    Comment


                    • #25
                      رد: سؤال واجابة

                      الأستاذة/ اقبال
                      الف ألف تحية وشكر على هذه الفكرة الجريئة والممتازة والتي ارجو أن تجد الاهتمام من كل أعضاء النادي لما لها من دور كبير في ربط أبنائنا بوطنهم العزيز، واعلن عن تبرع معنوي مني شيك بمبلغ ألف تحية لكافة الأبناء المشاركين يصرف من بنك الوحدة والسلام في السودان ، وتبرع مادي سوف أعلن عنه في حينه بعد ما يفصح أخونا محمد عثمان عن قيمة تبرعه الذي تحدث عنه ، ولنا عودة انشاء الله.

                      Comment


                      • #26
                        رد: سؤال واجابة

                        المشاركة الأصلية كتبت بواسطة الطيب شيقوق مشاهدة المشاركة
                        جاييكم يا جورج قداحي

                        للاسف كتبت كتييييييييييير وراح مع مشكلة النت
                        أهلاً وسهلاً بيك مستشارنا شيقوق في هذه النافذة ...ورايك شنو تشاركنا وتحكي للوليدلت ديل من القصص الطريفة والحكاوي العندك مايحببهم إلى هذه النافذة ونرفق مع الحكاية سؤال يتعلق بها؟؟؟.وفي انتظارك وانتظار ماكتبت.
                        المشاركة الأصلية كتبت بواسطة عبد الغفار سعيد صالح مشاهدة المشاركة
                        الأستاذة/ اقبال
                        الف ألف تحية وشكر على هذه الفكرة الجريئة والممتازة والتي ارجو أن تجد الاهتمام من كل أعضاء النادي لما لها من دور كبير في ربط أبنائنا بوطنهم العزيز، واعلن عن تبرع معنوي مني شيك بمبلغ ألف تحية لكافة الأبناء المشاركين يصرف من بنك الوحدة والسلام في السودان ، وتبرع مادي سوف أعلن عنه في حينه بعد ما يفصح أخونا محمد عثمان عن قيمة تبرعه الذي تحدث عنه ، ولنا عودة انشاء الله.
                        شكراً أخونا عبد الغفار للمرور ...وشيكك المعنوي قبلناهو ومشكور جداً جداً عليهو ..وفي انتظار الشيك التاني بعد ماتتفاهم مع اخونا محمد عثمان والباقين ..
                        طبعاً انا شفت( ألف) لكن تحية دي شفتها طشاش طشاش ونطيت (للبنك طوالي) الحكاية دي طوالي ذكرتني موضوع كنت شاركت بيهو في جريدتنا وقرَّبتَ يحصل عليْ الحصَل علي الزول دة:اليكم الموضوع:
                        كرعيني مستحرجاتني

                        كرعيني عاملات لي غلبة شديدة خلاس . . مستحرجاتني اشد الاستحراج قدام خلق الله . . و مستغلات طيبتي و مسكنتي استغلال سيئ . . دايماً منكربات و مستعجلات . . و ما بلوكن الصبر . . و لا بقيفن يعرفن الشيئ الصاح من اللَّعوج . . يعني كان حدث أمر جلل و الامر دا كان يستلزم مني التريث و عدم الاستعجال . . هن ما بتريثن و لا بصبرن . . يكون عندهن فِكر و راي تاني . . و عندهن أي حاجة مفروض تتم قوام قوام . . يعني . . كان ساكت كدي لاقاني طين . . و في قرارة نفسي نويت اني أنط الطين دا بعد أصل محلو . . يقومن كرعيني يقررن قبلي . . و ما يلوكن الصبر . . و ينطن و ينشبَّحن قبل أنا ما أصل محل الطين . . و جُمبلق يجيبني في بطن الطين . . النصيبة وكت أنا أقع في بطن الطين يقومن يلبدنْ . . و يعملنْ أضان الحامل طرشا . . الحكاية دي اتكررت مرات عديدة . . و بقيت كان شفت لي طين . . أقرر أخوضو قبل ما أخوض فوقو بي أمُر كرعيني . .

                        و كان كنت نايم . . الزول كان أول ما يصحى من النوم يقوم يفتح عيونو . . أنا أول شيء بصْحَن فيني هن كرعيني . . وكت أفتح عيوني . . ألقى كرعيني نزلن من السرير و لبسن النعالات . . صاحبي مختار المكنيكي قال لي . . يا اخي كرعينك ديل ظنيتن بنومن و هن معشّقات . . الحكاية دي مشيلاني هم كبير خلاس . . خايف يوم . . وكت أصحى ألقى كرعيني ديل لبسن النعال . . و يكون جوة النعال في عقرب لابدة . . تقوم تطقني و تلحقني الرقدوا و ما قاموا . . و كان في زول من ناس البيت ناداني عشان يحدسني عن موضوع . . و الا يرسلني مشوار . . كرعيني ما يخلنو يتم نضميهو . . في نص النضمي . . يقولن لي يا فيفيد أرحكاكا . . و أنا أقوم أسمع كلام كرعيني . . و أمرق في المشوار الرسلوني ليهو . . و بعد ما أصل مكان المشوار . . أقوم أنا العوير أكتشف أني ما عارف الشيئ الرسلوني من أجلو . . و أقوم أرجع تاني عشان يدوني تفاصيل المشوار . . ناس البيت بقوا عازرني في حتة المراسيل دي . . و كان في واحد ساكت قرر أنو يرسلني مشوار . . يقوم يعمل مختصر و صمري لي موضوعو قبل ما أنا أصلو . . وكت أقول أصلو يكون شرح لي نص الحديس . . و يقوم يواصل باقي حديسو معاي مهرولاً أمامي لحدي ما يكمل نضميهو . . النصيحة لله . . في الحتة دي أنا متكيف من كرعيني ديل . . عشان قللن علي المشاوير و التكليف الما منو فايدة . . لكن النصيبة بقت مع بت جيرانا . . حبيت سعاد بت جيرانا . . و نويت أفاتحها في موضوع حبنا . . و الطريق الحا نمشيهو سواء خطوة خطوة بي كرعينا في دروب الغرام . . رسلت ليها جواب يحوي مكنونات قلبي . . لكن كرعيني أحرجني قبل ما أشبح الشبحة الأولى في درب الغرام . . سعاد رسلت لي رد جواب الغرام مع أخوها الصغيِّر . . و أخوها صابحني مبتسم قال لي . . يا فيفيد . . سعاد قالت ليك . .( تحبك ). . و كرعيني . . سمعن كلمة تحبك . . و ما انتظرن باقي حديث الشافع . . عملن ليهن أجنحة و فررررررررر طارن من السعادة . . و أنا أضنيني ما يسمعن كلمة( بقرة) عيلا بعد ما أكلن الملف . . و قعدت في الواطة أبكي و اتنهف . . لي شنو سعاد تقول لي تحبك بقرة . . انتي زاتك يا سعاد حباك ورل . . يا شبه الورل . . لكن أنا المشيلني هم . . كان قررت أني أدخل اللدبخانة . . و كان في زول في الحمام. . الزول الجوة الحمام و قبل ما يفكر يقول احم احم و يتحمحم . . يلقاني منصوب قدامو . . الحكاية دي عقدتني و استحرجتني جنس استحراج . . خسوسا أصحابي بقوا كان في واحد نوى انو يدخل الحمام. . يوقفوا ليهن زول يحرس الزول الجوة . . فيفيد دا بقى ما مضمون . . هسع أنا بقول ليكن في النضمي دا و أنا الفار يلعب في عبي . . مديرنا السعودي في المكتب قال لي و هو يمعّط في شعرو من الزعل . . يا فيفيد . . بكرة ما بدي أشوف . . و كرعيني قامن جاريات قبل ما يسمعن باقي نضمي المدير . . و هسع انا ما خابر المدير دا مويتو شنو . . و خايف يكون قال لي يا فيفيد بكرة ما بدِّي خلقتك دي يا زول يا سوداني . . دحين يا ناس . . الداير مني دين يجي يخلِّسو هسع . . و الزعلان مني يعفى لي . . بكرة ممكن يرفدوني من الشغل . . شفتو جنس النصايب دي؟؟؟

                        Comment


                        • #27
                          رد: سؤال واجابة

                          كيفك بت حجار وشكرا للدعوة الكريمة وابشري بالخير -

                          بس خليني ادي اولادنا وبناتنا ديل مسألة قانونية نشوف مقدراتهم الفكرية كيف وعلى ضؤ اسهاماتهم ممكن نحدد مستوى الحكي البيعجهم - لا مانع من ان يستشير اى منهم اباهو او امه او حتى الجمهور .

                          الموضوع هو :-

                          محمد ونادر عايزين يقتلوا جلال - لكن لا محمد عارف نادر عايز يقتل جلال ولا نادر عارف محمد عايز يقتل جلال يعني لا يوجد اى اتفاق مشترك بين محمد ونادر -

                          اها يا اخوانا جلال دا دائما بيمشي مزرعتو - والمزرعة ما فيها ماء عشان كدا جلال دائما لما يمشي بشيل معاهو قارورة بتاعة مسافي مليانة موية وعادة لما يصل المزرعة بيضع القارورة تحت شجرة عشان ما تسخن . المزرعة ما فيها تلاجات لآ؟

                          اها يا اخوانا محمد قال يمشي يلحق جلال في المزرعة ويختفي بالاشجار حبة حبة لحدي يجد القارورة ويقوم يكب فيها سم قاتل جدا ويجي راجع بدون جلال يشوفو .

                          بالفعل محمد المجرم هذا مشى ليكم المزرعة وعرف انو جلال بعيييييييييييييييد ما بشوفو فقام طوالي كب السم في القارورة وبرااااااااااااااحة انسحب ورجع اهلو - لعلمكم تاني اى جرعة من القارورة صارت قاتلة .

                          اها نادر ما عارف محمد عمل شنو ولا عارف اى حاجة عن نية وقصد محمد .نادر فكر يمشي يلحق جلال دا في مزرعتو ونادر عارف لو جلال دا فقد ماء القارورة بتاعتو بموت طوالي يعني مافي اى احتمال اخر لحصول جلال على ماء خلاف العندو دي .

                          اها نادر وصل مزرعة جلال وعرف انو جلال بعييييييييييييد ما بشوفو وطوالي قام دفق الموية كلها في الواطة عشان جلال يجي عطشان ويشرب وما يجد اى موية .

                          بالفعل نادر دفق موية القارورة واختفى براااااااااااااااحة راجع لاهله وبعد قليل جلال المسكين جاء عطشان ولما رفع القارورة وجدها فااااااااااااااضية وطوالي جلال ربنا يرحمو مات من العطش ,

                          يلا السؤال يا حلوين :

                          من المسؤول عن موت جلال ؟

                          مع العلم ان نادر عندما دفق الموية لم يدفق موية وبس وانما هي ماء اى جرعة منها ستكون قاتلة لجلال بسبب السم الذى خلطه محمد مع الماء .

                          هنالك جوائز قيمة لكل من ينجح في تحديد من هو المسؤول محمد ام نادر ؟

                          وسوف انبري انا عمكم للدفاع عن محمد ونادر

                          يلا تعالوا بآرائكم
                          أبق زول دايما مسامح وأنسي ظلم الناس عليك

                          Comment


                          • #28
                            رد: سؤال واجابة

                            انا رزان صلاح و اجابتي هي :
                            محمد ياعمو الطيب

                            Comment


                            • #29
                              رد: سؤال واجابة

                              المشاركة الأصلية كتبت بواسطة اقبال حجار مشاهدة المشاركة
                              انا رزان صلاح و اجابتي هي :
                              محمد ياعمو الطيب
                              شكرا يا رزان

                              بس محمد ذنبو شنو يا رزان بتي؟ هو صحيح كب السم في القارورة لكن لما جاء جلال يشرب ما وجد ليهو موية ولا سم وجدها فااااااااااااااااضية ومات من العطش - اها مش حرام عليك تحمليهو المسؤولية؟
                              أبق زول دايما مسامح وأنسي ظلم الناس عليك

                              Comment


                              • #30
                                رد: سؤال واجابة

                                انا رزان : اصلا يا عمو اذا نادر ما كان دفق المويه كان جلال حيموت فالسبب الاول بيعود لمحمد برآيي انا عالعموم....

                                Comment

                                Working...
                                X